係你一開始殺價先，你態度等於我態度 交易過程如下： 一開始就殺價由2000到1500，我嘅產品係可以分開賣嘅，但係佢自己就要一齊買，話我其中一個有瑕疵所以殺價，我同佢講話可以選擇淨係買另一個，咁後來佢要嗰一個現金支付要喺金鐘交收，但係佢一開始嘅行為令我對佢 失去信任，驚係飛機友，所以就要求如果要現金支付就只可以喺旺角東站面交 ，我會補車錢俾佢，佢就話旺角東太遠，但係金鐘同旺角東同樣喺東鐵綫。同時另外一個選擇係可以選擇喺金鐘度交收，但係需要付訂金，我唔想專登去咗金鐘然後俾人放飛機，佢就話如果真心想賣就去金鐘交收，照佢咁講如果佢真心想買都可以嚟旺角東 ，交易過程中佢話佢每次交易都係用現金支付，但係其實呢個平台上面好多人都有使用訂金預訂嘅形式，總上所述，買家態度惡劣，我並唔接受呢次交易🙏🏻 更新：回覆對方帳號下嘅評論，我係冇規定面交一定要俾訂金，對方可以選擇喺旺角東交收無需訂金，而佢拒絕咗。講多無謂，公道自在人心，我唔會再回覆呢件事。如果其他買家睇到呢邊覺得我有失偏頗嘅話可以唔同我交易。感謝你哋閱讀到呢度。我嘅解釋只係為咗本帳號嘅交易達成率，同埋唔想俾人冤枉，想食花生歡迎黎搵我拎全程聊天記錄🫡