正宗西客，本人一直都係好評，算好就得人，全部交收都清清楚楚相安無事。呢條友，出價$500，係旋轉對話一直唔confirm交收時間地址。要轉whatsapp傾，原來係想壓價，個post從來無話包火牛，你一來就話無火牛，check話原裝火牛要百幾蚊，唔知點叉電，所以要減$100，根本有病，你無錢就唔好出價啦，bid完話無呢樣無個樣，然後原裝幾錢就要減幾錢，免費送俾你好唔好？貼就貼全部對話啦 都算，當做善事，同你講係typec叉電，用任何65w叉都叉到，見有另一個原裝火牛，反正唔用，送埋俾你。記住，$500係齋機，本身無包火牛，搭俾你已經仁至義盡！ 睇d對話都知係麻煩友，話明死機，硬碟有資料，仲點會包俾你？有d常識啦好唔好，買得呢d死機，就預左自己整，而且post亦有講明請自行維修。由頭到尾都無話包硬碟，亦都有講明16gb ram係焊係主板，清清楚楚。好心你啦，買完話唔識整，真係好笑，講明死機自行維修架啦。最好笑係話原裝硬碟要$200幾，所以要退$180俾佢，咁送你個百幾蚊火牛你又唔計埋？輸打赢要！最後交收仲要遲到，呢種西客大家盡量唔好交收，以免拿屎上身，神級煩，公道自在人心，正西客！