第一，喺同你交收前，我已經攞出黎差左電check過試過無問題先同你交收，亦係我主動叫你試，如果我要呃你，我仲會主動叫你試？仲咁聽你話留個好評俾你? 第二，當日你都有即場檢查同連電話試聽，亦見你直接帶住走，如果差唔到電用唔到，長期顯示無電，你點樣試聽到？你check完試完都唔覺有問題，憑乜野話我誠信有問題？ 第三，相中破損程度相信唔駛細看都睇得到，如果顯示無電又爛到咁，有心呃你我會主動叫你check？ 第四，點解你咁得意message我叫我留好評俾你, 都無同我講個耳機有問題，等我留完好評俾你，你就直接喺度劣評我？ 第五，睇番你嘅買賣記錄，你早排先賣過個有問題嘅PS5手掣俾人，你仲回覆人地話價錢反映質素，建議人地購入全新+保養。你嘅記錄同行為反而令我懷疑你誠信有問題。 回覆二： 因為太唔想要你呢啲人嘅錢，已經將200蚊捐左俾無國界醫生，當幫你積陰德，俾番收據相你。希望你唔好一開口就覺得人哋係騙子，就算你自己係咁都唔好咁諗人地。如果一開始你有禮貌啲同我講個嘢壞咗，我都唔會去深究係咪你自己整爛定想呃我，直接俾番錢你。 仲有，淨係你個留言，我已經可以告你恐嚇，恐嚇係刑事黎，唔清楚自己上網睇。