好耐冇用carousell，啱啱用返發現呢一個差評。有啲嘢不吐不快，要以正視聽。 第一，當日呢個買家喺約好交收嘅時間冇出現。於是我喺現場不斷message買家，但收不到回覆。最後我只好message佢話如果我再等多幾耐唔見佢就會離開，結果佢喺呢個時間內都冇出現亦始終都冇回覆我message，所以我就帶住呢件貨品離開交收現場。所以由此至終買家冇出現過，並唔係佢咁講話遲到一個鐘，根本就從來都放飛機冇出現過，佢咁樣講明顯想混淆視聽。 第二，買家後來確實有message我講咁唔好意思，但如果佢屋企真係如佢咁講有急事佢嚟唔到，佢大可以message我通知我黎唔到或改期都可以，唔使我喺現場白等，約交收嗰日仲要係星期六定星期日晏畫我放假時間，我嘅假期就咁俾佢浪費咗，真係好嬲。 第三，一個咁冇誠信嘅買家之後再message講話過錢俾我，叫我再賣件貨俾佢，在於我黎講，我已對呢個買家完全失去信心，所以我冇再理會佢。 呢次係我唯一一次喺carousell交收俾人放飛機，仲要有人想事後混淆視聽，截圖只截到對自己有利嘅對話。買家最清楚自己做過啲乜嘢，我嘅補充到呢度，免再糾纏唔會再有其他補充。

Sure. Thank you.😊